Шүүхийн шийдвэр гүйцэтгэх байгууллагын бие бүрэлдэхүүний дунд нийтийн биеийн тамир, спортыг дэлгэрүүлэх, хамт олны эв нэгдлийг хангах, алба хаагчдын бие бялдрыг хөгжүүлэх замаар эрүүл мэндийг хамгаалах зорилгоор зохион байгуулж буй 2024 оны аварга шалгаруулах “Спортын зургаан төрөлт тэмцээн”-ий Хангайн бүсийн тэмцээн 2024 оны 03 дугаар сарын 24-26-ны өдрүүдэд Орхон аймагт амжилттай зохион байгуулагдлаа.
Хангайн бүсийн 8 анги, байгууллага, салбар, нэгжийн 150 гаруй тамирчин өрсөлдсөн тус тэмцээнд Шүүхийн шийдвэр гүйцэтгэх ерөнхий газрын харьяа Өвөрхангай аймгийн Хархорин сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих ангийн баг тамирчид амжилттай оролцож, багийн дүнгээр Тэргүүн байрт шалгарч цомын эзэн боллоо.
Тус ангийн баг тамирчид тэмцээний волейболын эрэгтэй төрөлд хоёрдугаар байрт, эмэгтэй төрөлд нэгдүгээр байрт, сагсан бөмбөгийн эрэгтэй төрөлд гуравдугаар байрт, эмэгтэй төрөлд хоёрдугаар байрт тус тус шалгарлаа.
Мөн туухай өргөлтийн төрөлд эрэгтэй +80 кг ахлагч дэслэгч М.Санжаа, -80 кг ахлагч Ц.Банди, эмэгтэй +65 кг ахмад Б.Наранцэцэг, -65 кг дэслэгч Д.Наранжаргал нар тус тус нэгдүгээр байр, шатрын төрөлд ахмад Г.Түвшинтөр, ахлагч Б.Отгончимэг нар нэгдүгээр байрт шалгарлаа.
