Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмыг тохиолдуулан Шүүхийн шийдвэр гүйцэтгэх ерөнхий газрын харьяа Өвөрхангай аймгийн Хархорин сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих анги эрхэлсэн ажилдаа үр бүтээл, идэвх зүтгэл гарган ажилласан зарим алба хаагчдад өнөөдөр (2024.07.09) цэргийн ээлжит цол олгож, шагнаж урамшууллаа.
Шагналыг ангийн дарга, хурандаа Б.Түвшинтөгс болон харуул хамгаалалт гүйцэтгэх ажил эрхэлсэн дэд дарга, хурандаа Ж.Батмөнх нар гардуулан өглөө.
“Ахмад” цолоор аж ахуйн ажилтан Л.Гэсэнханд;
“Ахлах ахлагч” цолоор хамгаалалтын ажилтан О.Тамир, Х.Цэгмэд нарын 2 алба хаагч;
“Ахлагч” цолоор сувилагч Б.Саранцэцэг;
“Хууль зүйн албаны тэргүүний ажилтан” хүндэт тэмдгээр Цагдан хорих байрны дарга, ахмад Г.Болдбаатар, хамгаалалтын ажилтан, ахлах ахлагч Ч.Ганбаатар нарын 2 алба хаагч;
“Шүүхийн шийдвэр гүйцэтгэх байгууллагын тэргүүний ажилтан” тэмдгээр хорихоос өөр төрлийн ял эдлүүлэх ажиллагаа хариуцсан шийдвэр гүйцэтгэгч, хошууч П.Баясалмаа, төлөөлөгч, ахлах дэслэгч Л.Цогбаяр нарын 2 алба хаагч;
"Албаны төлөө I" медалиар цагдан хорих байрны дарга, ахмад Г.Болдбаатар, нийгмийн ахлах ажилтан, ахлах дэслэгч Г.Бат-Эрдэнэ нарын 2 алба хаагч;
“Албаны төлөө III" медалиар хамгаалалтын ажилтан, ахлагч Б.Бямбабаяр;
"Хүндэт тэмдэг"-ээр ерөнхий жижүүр, дэслэгч Г.Золжаргал, холбоо, мэдээлэл технологийн инженер, дэслэгч Д.Алтанхуяг, хамгаалалтын ажилтан, ахлах ахлагч Б.Буяннэмэх, ахлах ахлагч М.Батмэнд, жолооч, ахлах ахлагч Г.Одбаатар нарын 5 алба хаагч;
Ангийн дарга, хурандаа Б.Түвшинтөгс нийт шагнагдсан алба хаагчдад баяр хүргэж, өргөсөн тангарагтаа үнэнчээр зүтгэж, дотоод аюулгүй байдлыг сахин хамгаалах хариуцлагатай үүрэгтэй улам их амжилт гаргахыг хүслээ.
